MAURIANA

MAURIANA

vulgo la MAURIENNE, vallis oblonga Sabaudiae, inter montes asperrimos, iuxta Arcum fluv. ab Alpibus usque ad Isaram fluv. extensa, inter Tarantasiam ad Boream, etc Delphinatum ad Austrum. Caput est Fanum S. Iohannis seu Mauriana, S. Iean incolis, aliis S. Iean de Maurienne, urbs satis culta, sed sine moenibus, in planitie, ad Arcum fluv. sic dicta a pollice S. Iohannis, secundum alios ab indice eius, qui ibi as servari creditur. Hinc cum antea Taurinensis Ecclesiae Episcopis pareret, facta est postea Episcopalis sub Archiepiscopo Viennensi. Primus eius Episcopus Hiconius fuit, permissu Guntchramni Francorum Regis institutus, Leporius dein, sub Chlodoveo Iuniore Concilio Cabillonensi interfuit. Et Maurienna quidem Darantasiae primum, una cum Segusio et Novalicio, ac tota valle Segusina, a Guntchramno attributa est: quam urbem et vallem a Longobardis ex pacto acceperat, Mauriennensique Ecclesiae sub iecerat. Demum provinciae Viennensi, c???i hodiêque accensetur, sub Metropoli Vienna, adscripta est; inter provinciae huius civitates nonô, secundum quasdam Notitias, vel sextô secundum alias, locô, 10. leuc. a monte Cenisio in Occasum, 14. a Camberiaco in Ortum. Comites Mauriennae primum dictisunt, qui postea Sabaudiae Comites, acdemum Duces, illustriori titulô nuncupari maluerunt, Hadr. Vales. Notit. Gall.